OS SONS ESQUECIDOS

 

karnyx_1.jpg

Abraham Cupeiro, instrumentos de vento
Alba Barreiro, arpa

 

Sábado 17 de setembro, 12.00 h (encontro no centro de recepción de visitantes)

Dolmen de Dombate, Cabana de Bergantiños (A Coruña)
(Coñece o teu patrimonio. Visita ao Dolmen de Dombate e ao Castro de Borneiro)

  

Construtor e multiinstrumentista, Abraham Cupeiro é un virtuoso e poliédrico artista de formación clásica que pasea con soltura por diferentes estilos musicais, desde o folk até o jazz ou a música antiga. O seu proxecto, Os Sons Esquecidos, representa unha viaxe no tempo á procura das fontes primixenias para fundilas coa contemporaneidade e crear así un discurso novo e sorprendente. Nel, poderase escoitar o karnyx, instrumento de guerra reconstruído a partir dunha moeda romana, canda instrumentos tradicionais que o músico foi atopando nas súas viaxes ao longo dos anos, instrumentos renacentistas e barrocos ou da orquestra moderna, extraéndoos do contexto para o que foron concibidos na busca de sons que resoan no noso interior e na natureza. 

Nesta ocasión preséntase en concerto xunto coa arpista Alba Barreiro, música que procede tamén da escena clásica, ámbito no que se formou como pianista e arpista, desenvolvendo  paralelamente un intenso traballo como intérprete de música tradicional.

abrahamcupeiro.com

albabarreiro.com

 

2012 © CREOWEBS. Diseñamos y creamos