TRAZOS DOS MENESTREIS

MÚSICA VOCAL E DANZAS PARA CONXUNTO DE MENESTREIS E ÓRGANO

Ministriles de Marsias

 

Paco Rubio, corneta

Joaquim Guerra, chirimía e baixonciño

Simeón Galduf, sacabuxa

Fernando Sánchez, baixonciño e baixón

Javier Artigas, órgano positivo

 

Domingo 11 de setembro, 19.00 h

Mosteiro de Santa María de Sobrado, Sobrado (A Coruña)

(Coñece o teu patrimonio. Ás 15.30 h, Ruta da Carballeira)

 

Obras de Cabezón, Correa, Luis de Milán, Peñalosa ou Willaert, entre outros.

No espazo da igrexa do mosteiro de Santa María de Sobrado, teremos oportunidade de volver a escoitar uns sons perdidos no tempo, para rescatar a esencia do que eran os conxuntos de menestreis, unha formación musical que combinaba o órgano coa corneta, sacabuxa, chirimía, baixón e baixonciños, todos eles instrumentos de vento habituais nas capelas musicais entre o século XV e mediados do XVIII. Os Menestreis de Marsias, unha formación especializada na interpretación de música española, instrumental e vocal do Renacemento e Barroco, serán os encargados de revivir estes ambientes musicais e sonoridades que outrora se escoitaban nas nosas catedrais, colexiatas e mosteiros, sen esquecer un elemento fundamental que era o órgano, nesta ocasión interpretado por un dos máis reputados organistas da Península, Javier Artigas.

O programa aborda pezas de gran beleza, do repertorio vocal, tanto relixioso como profano, música instrumental para tecla e música de danza, xénero este último que era tamén habitual escoitar nas igrexas, en ocasións especiais.