Composta polo italiano Salvatore Sciarrino, en 1997, La bocca, i piedi, il suono, é unha das pezas fundamentais do repertorio escrito para saxofón. Trátase dunha obra de carácter participativo na que o espazo revélase coma un elemento que vai definindo os movementos e a localización das persoas intérpretes o que fai que cada representación sexa única en coherencia co lugar escollido. As persoas que participen como saxofonistas serán seleccionadas a través dunha convocatoria aberta a todo o tecido musical galego e recibirán as instrucións dos membros do cuarteto de saxofóns asLan ensembLe, do que forma parte a saxofonista galega Helena Otero Correa.

O concerto terá lugar o día 28 ás 19.00 h no edificio de activides náuticas do Porto do Son.

Máis

Por causa de forza maior, o concerto do día 21, no Teatro de Beneficencia en Ortigueira, a cargo do grupo Das Kolorit, será substituído por un concerto do grupo La Bellemont, co programa Le jeu parlant. A música como discurso sonoro na Francia barroca, coa participación da gambista Sara Ruiz, Rafael Muñoz, tiorba e Laura Puerto, clave.

Será ás 19.00 h con entrada libre até completar capacidade.

COMPLETA A COTA DE PRAZAS PARA INSCRIBIRSE na xeorruta polo Parque Cabo Ortegal, que terá lugar o 21 de setembro. Até o 19 de setembro é posible inscribirse en lista de agarda.

A visita ao conxunto conventual dos Dominicos e o concerto do grupo La Bellemont, son de entrada libre até completar capacidade, non é precisa inscrición á parte.

Máis

O sábado 15, terá lugar no Casino Ferrolán, ás 19.00 h o concerto do grupo La moresca integrado por Paloma Friedhoff, Pabro Ruibal e Uxía Delgado co programa Breves historias de Amor e Fortuna, arredor do amor e o desamor, a través de músicas que abarca desde o Barroco até o primeiro Romanticismo.

Máis

O Concert Le Phénix, dirixido por Fernando Santiago, será o protagonista musical do serán de literatura, música e lecer que terá lugar nas Terras de Iria e na Casa de Rosalía en Padrón. Será o día 15 ás 19.00 h co programa La défense de le Blanc.

Máis
 

O domingo 8 de setembro, ás 18.00 h terá lugar o concerto do Ensemble Phaedrus na igrexa de Santiago de Mens cun programa titulado THE KINGS’S FLUTES, MÚSICA DA CORTE DE ENRIQUE VIII. 

Os concertos son de entrada libre até completar capacidade.

Máis
 

Iniciamos parcería co festival ViertelBarock, un festival de música barroca que se celebra no mes de setembro, no Serviten Viertel de Viena, e que esta edición dedica un serán á cultura galega nunha homaxe performativa á poeta Luísa Villalta. En breve máis!

Máis
 

Abre a edición 2024, o domingo 1 de setembro ás 20.00 h, La Grande Chapelle, dirixida por Albert Recasens, cun concerto no Teatro Colón da Coruña, e o programa Francisco Guerrero, música e poesía do Renacemento español. Ás 19.00 h, teremos oportunidade de participar nun espazo de conversa e preparación para a escoita con Albert Recasens e o filólogo Guillermo Fernández Rodríguez-Escalona.

Os concertos son de entrada libre até completar capacidade

Máis

COMPLETA A COTA DE PRAZAS PARA INSCRIBIRSE NA VISITA ÁS TORRES DE MENS!!! A listaxe de agarda queda tamén completa ao superarse o número de prazas estimadas.

Presentouse en rolda de prensa celebrada no Teatro Colón, na Coruña, a programación do festival Espazos Sonoros na súa edición 2024, nun acto no que estiveron presentes o deputado provincial de Patrimonio e Contratación, Xosé Luís Penas Corral e a Directora artística do festival, Belén Bermejo. Xa falta menos!!!

Do 1 ao 28 de setembro desenvolverase unha nova programación de concertos e actividades en espazos como O Teatro Colón, as Torres de Mens, a paisaxe natural da ría de Ferrol, as Terras de Iria Flavia, o xeoparque Cabo Ortegal, o Teatro de Beneficencia de Ortigueira ou a contorna do Castro de Baroña, La Grande Chapelle, La moresca, o Ensemble Phaedrus, Concert Le Phénix, Das Kolorit, e o asLan ensembLe serán as formacións que nos acompañarán durante cinco semanas de programación.

Para coñeceres a localización de cada un dos espazos busca en Googlemaps o mapa de Espazos Sonoros 2024